Në kujtim të udhëheqësit shpirtëror

Jetëshkrimi dhe Veprat | Ceremoni të hapjes së Teqeve Halvetiane të Shqipërisë | Rindërtimi i Asetanes
Konferenca Kombëtare Aleviane | Këngë  kushtuar Sheh Muamerit
Ceremoni të tjera fetare | Shkëmbime vizitash | Video
Gjeneza e Tarikatit tё Lartё Halveti | Sheh Ahmet Pazari

Ceremoni te tjera fetare nëpër rrethe

 Sheh Muamer Pazari duke bërë duanë (lutjen) e rastit, në Teqenë e Pilurit, rrethi i Devollit.  

Ceremoia e themeleve të Teqes Halveti, të Sheh Dalipit, Eshmenik

Sheh Muamer Pazari, Sheh Samiu ne Teqene e Cangonjit

Fjala e hapjes së ceremonisë  ne Gline te Leskovikut nga Hirësia e tij Sheh Muamer Pazari,
Kryetar i Kryesisë Aleviane të Shqipërisë, Halveti.

Hirësia e tij Sheh Muamer Pazari, Deputeti Uran Butka, Z.Ekrem Bardha etj.

Hirësia e Tij, Sheh Muamer Pazari, përshëndet popullin pjesëmarrës në festën tradicionale të Glinës

Sheh Muamer Pazari në mes të popullit të Tominit, Peshkopi

Sheh Muamer Pazari, Kryetar i Bashkësisë Halvetiane të Shqipërisë,
duke organizuar  ceremoninë  mortore 
dhe shërbesat  fetare  të Sheh Zenel Fratërit.

Sheh Muamer Pazari përshëndet Kongresin e7te Bektashianeve,
zhvilluar ne Pallatin e Kultures ne Tirane

Përshëndetja e Kryetarit të Tarikatit Halveti,
Sheh Muamer Pazarit

Përshëndetje nga të gjithë alevianët e Shqipërisë, Kongresit  të VII-të të Kryegjyshatës Botërore Bektashiane!

Në emër të të gjithë alevianëve gëzohemi për rrugën e mirësisë  shpirtërore dhe njerëzore, të cilët bashkohen, për një qëllim në të mirën e atdheut tonë.

Siç e theksoi edhe vetë Kryegjyshi Botëror, Haxhi Dede Reshat Bardhi: “Feja bashkë me atdheun janë një dhe nuk ka fe, po nuk pati atdhe.”

Ne, si pjesëtarë të atdheut, të këtij vatani, mendojmë gjithmonë për të mirën dhe mirësinë ndaj njerëzve të vendit tonë në përmasa shpirtërore të dashurisë dhe të respektit të mbarë njerëzimit; për të përqafuar të mirën, duke iu larguar të keqes. Shumë bukur u shpreh hirësia e tij Janullatus, përfaqësuesi i Kishës Ortodokse, duke vënë theksin tek rinia, si shpresë e së ardhmes, e cila duhet të hedhë sytë për të parë aspektin shpirtëror, të cilin e përfaqëson feja, që ka qenë dhe mbetet pjesë e pandarë e njeriut.

Vetë i madhi Zot e ka zbuluar njeriun, duke e vënë në altarin  më të lartë të gjithësisë, duke i dhënë rëndësi të veçantë  mbi gjithë krijesat e botës. Ata që duan e respektojnë njeriun, duan e respektojnë vetë Zotin. Në të kundërtën, vetë Zoti do të shprehte vullnetin e keqardhjes, nëse ne do të ushqenim intrigën, lakminë, mosrespektimin ndaj njëri-tjetrit. Duke respektuar familjet tona, mbi gjithshka, respektojmë dhe duam familjen tonë të shenjtë, Shqipërinë tonë të dashur. Vetëm me këtë sjellje do të mund t`i falim kënaqësi  krijuesit tonë, të madhit Zot.

Të gjithë së bashku të luftojmë për të edukuar një brez të ri, i cili duhet të luftojë për t`ju larguar së keqes, drogës  e veseve të këqija. Këto vese luftojnë kundra vullnetit të mirë  dhe lufta më e madhe ndaj tyre mbetet  luftë evidente.

Në kohën kur Profeti  ynë Muhammed a.s. fitoi luftën e Bedrit, një luftë kjo e pabarabartë me armikun si në forca  dhe në mjete, ushtarët e tij, të përfshirë nga gazi i fitores përqafonin Profetin, filluan të ushqenin  vetvehten  me mburrjen dhe autolëvdatën. Profeti e dalloi  menjëherë këtë gjëndje dhe i mori këta ushtarë më vete, në një kodër dhe u tha:

“Jemi kthyer  nga një luftë e vogël për tek një luftë  e madhe.”
“Ja Resulullah!- i thanë ushtarët  e tij.-Çfarë është kjo luftë e madhe?”

Resulullah iu përgjigj:
“Lufta  e madhe është lufta  e vetvehtes.”

Ndaj luftojmë në veten tonë veset, që njeriu mban në veten e tij, pasi vesi është  shejtani vetë. Shejtanin njeriu e ka me vete dhe përfaqësohet nga vesi njerëzor. Në qoftë se ne do t`i luftojmë këto vese, do të gëzojmë të madhin Zot e do të jemi  të denjë për të ndërtuar vendin tonë. Po të ecim në këtë rrugë do të jemi të lavdëruar e të begatuar nga vetë Zoti, duke u bërë  shembull i së mirës.

Le të dashurojmë fenë, mirësinë e saj, duke bërë të lulëzojë  lulja  e mirësisë, e dashurisë për njeri-tjetrin. Të edukojmë vetvehten me punë për të mirën e përbashkët, duke ecur në udhën e virtytit.

I urojmë veçanërisht Kryegjyshit Botëror, Haxhi Dede Reshat Bardhi jetë të gjatë e punë të mbarë, kurdoherë si fetar e njeri që e ka gëzuar e gëzon  një respekt e dashuri nga e gjithe bota  besimtare! Ai mbetet pjesë e vlerës dhe e dashurisë, e sinqeritetit  dhe e përkushtimit , e ndershmërisë dhe mbi të gjitha e besimit.

I uroj punime të mbara Kongresit të VII-të Botëror Bektashian! Falenderoj Presidentin e Republikës, Prof.Dr. Rexhep Mejdanin për pjesëmarrjen e tij në këtë Kongres dhe po kështu e përshëndes Kryetarin  e Këshillit të Ministrave, Z.Ilir Meta, për fjalën e dashur e të sinqertë përshëndetëse!

Zoti ndihmoftë vëllazërinë tonë, dhëntë dritë e arsye në veprat tona në shërbim të Shqipërisë e të shqiptarëve!

Zoti qoftë kurdoherë me ne!

Faleminderit!

Shko lart